Chust tumanida “Kunduzgi parvarish” xizmati o‘z faoliyatini boshladi.
2025-05-31 17:30:00 / Yangiliklar
Chust tumanida “Kunduzgi parvarish” xizmati o‘z faoliyatini boshladi.
Bugun Chust tumanidagi Navbahor mahallasida Davlat xususiy sherikchilik asosida "UMNIY DETIY" nomli kunduzi parvarishlash xizmati ochilish marosimi bo‘lib o‘tdi.
Ochilish marosimida tuman hokimi B. Salimjonov, nuroniylar, mahallada kompleks ijtimoiy xizmat ko‘rsatuvchi xodimlar, bir guruh fuqarolar ishtirok etdi.
Tadbirda tuman hokimi B. Salimjonov so‘zga chiqib, "barchamizga ma’lumki, mamlakatimizda nogironligi bo‘lgan shaxslar huquqlarini himoya qilish davlat siyosatining ustuvor yo‘nalishlaridan biri hisoblanadi. So‘ngi yillarda Prezidentimiz rahbarliklarida nogironligi bo‘lgan shaxslar ayniqsa, bolalar huquqlari va qonuniy manfaatlarini ta’minlashning huquqiy asoslarini takomillashtirish borasida izchil islohotlar amalga oshirilayotganligiga haqida to‘xtalib o‘tdi".
O‘zbekiston Respublikasi Prezidenti Shavkat Mirziyoev raisligida 2024 yil 13 dekabr kuni ijtimoiy himoya sohasidagi ishlar natijadorligi va 2025 yil uchun ustuvor vazifalar muhokamasi yuzasidan o‘tkazilgan videoselektor yig‘ilishida “Kunduzgi parvarishlash” guruhlarini tashkil etish hamda uning huquqiy asosini yaratish borasidagi vazifalar ijrosiga doir joriy yilning 3 fevral kuni O‘zbekiston Respublikasi Prezidentining “Nogironligi bo‘lgan bolalarga ijtimoiy xizmat va yordam ko‘rsatish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-41-sonli Qarori qarori hamda Vazirlar Mahkamasining 2025 yil 27 fevraldagi “Nogironligi bo‘lgan bolalar uchun kunduzgi parvarish xizmatini tashkil etish chora-tadbirlari to‘g‘risida”gi 126-sonli qaror ijrosini ta’minlash maqsadida bugun tumanimizda “Kunduzgi parvarish” xizmatini tashkil etilmoqda.
Qarorga asosan, 3 yoshdan 18 yoshgacha nogironligi bo‘lgan bolalar uchun davlat-xususiy sheriklik asosida kunduzgi parvarish xizmati yo‘lga quyiladi.
Joriy yildan boshlab kunduzgi parvarish xizmatiga oid faoliyatni amalga oshiruvchi tadbirkorlik sub’ektlarini qo‘llab- quvvatlash maqsadida subsidiya asosida tadbirkorga 3 yoshdan 10 yoshgacha bo‘lgan har bir bolaning bir kuni uchun BHMning 25 foizi, 10 yoshdan 18 yoshgacha bo‘lgan har bir bolaga 27 foiz miqdorda mablag‘lar ajratiladi.