Namangan viloyati Chust tumani hokimligi

Mahalllada servis kompaniyasi faoliyat boshladi

Mahallalarda obodonlashtirish ishlarini yo‘lga qo‘yish, aholi va kommunal xizmatlar o‘rtasida samarali hamkorlikni ta’minlash maqsadida yangi mexanizmlar joriy etilmoqda.

Chust tumanining "Mustaqillik" mahallasida ham O‘zbekiston Respublikasi Prezidentining PQ-234-sonli qarori ijrosi doirasida 335 million so‘m mablag‘ evaziga Mahalla servis kompaniyasi binosi qurib bitkazildi.

Zamonaviy ko‘rinishga ega va ko‘p funksiyali bo‘lgan mazkur bino foydalanishga topshirildi.

Ochilish marosimida Chust tumani hokimi B.Salimjonov, tuman  Mahallalar uyushmasi rahbari N.Rahimova hamda mahalla faollari va nuroniylar ishtirok etdilar.

Mazkur muassasa 360 million so‘mdan ortiq mablag‘ evaziga 12 turdagi zamonaviy asbob-uskunalar bilan ta’minlandi. Yangi tashkilotda 23 turdagi xizmat ko‘rsatish yo‘lga qo‘yilib, 8 nafar fuqaroning bandligi ta’minlandi.