Чиқиндидан электр олиш лойиҳаси: қурилиш жараёни жадаллашди
2026-03-16 09:10:00 / Yangiliklar
Чиқиндидан электр олиш лойиҳаси: қурилиш жараёни жадаллашди
Наманган вилояти ҳокими Шавкатжон Абдураззоқов Чуст туманидаги "Зарафшон" массивида Хитойнинг “EVERBRIGHT GROUP” МЧЖ ХК томонидан амалга оширилаётган чиқиндиларни қайта ишлаш лойиҳаси билан яқиндан танишди.
Мазкур лойиҳанинг умумий қиймати 150 миллион АҚШ долларини ташкил этиб, корхона ишга туширилгандан сўнг 180 та янги иш ўринлари яратилиши режалаштирилган. Лойиҳа доирасида йиллик 547 минг тонна маиший чиқиндилар қайта ишланиб, 35 МВт электр энергияси ишлаб чиқариш имконияти яратилади.
Айни вақтда объектга қудратли техникалар жалб этилиб, қурилиш жараёнлари тезлашган.
Вилоят раҳбари ўрганиш давомида лойиҳани амалга ошириш жараёни, мавжуд муаммо ва масалаларни атрофлича ўрганиб, лойиҳа ижросини белгиланган муддатларда, сифатли ва самарали ташкил этиш юзасидан масъулларга тегишли топшириқ ва кўрсатмалар берди.
Чуст тумани ҳокимлиги Ахборот хизмати.
__
Chiqindidan elektr olish loyihasi: qurilish jarayoni jadallashdi
Namangan viloyati hokimi Shavkatjon Abdurazzoqov Chust tumanidagi "Zarafshon" massivida Xitoyning “EVERBRIGHT GROUP” MCHJ XK tomonidan amalga oshirilayotgan chiqindilarni qayta ishlash loyihasi bilan yaqindan tanishdi.
Mazkur loyihaning umumiy qiymati 150 million AQSH dollarini tashkil etib, korxona ishga tushirilgandan soʻng 180 ta yangi ish oʻrinlari yaratilishi rejalashtirilgan. Loyiha doirasida yillik 547 ming tonna maishiy chiqindilar qayta ishlanib, 35 MVt elektr energiyasi ishlab chiqarish imkoniyati yaratiladi.
Ayni vaqtda obʼektga qudratli texnikalar jalb etilib, qurilish jarayonlari tezlashgan.
Viloyat rahbari oʻrganish davomida loyihani amalga oshirish jarayoni, mavjud muammo va masalalarni atroflicha oʻrganib, loyiha ijrosini belgilangan muddatlarda, sifatli va samarali tashkil etish yuzasidan masʼullarga tegishli topshiriq va koʻrsatmalar berdi.
Chust tumani hokimligi Axborot xizmati.