Namangan viloyati Chust tumani hokimligi

Янги йил арафасида: Чустдаги ўзгаришлар аҳоли фарвонлигига хизмат қилади

Бугун Наманган вилояти ҳокими Шавкатжон Абдураззоқов Чуст туманидаги “Сабзазор” ва “Бофанда” МФЙлар ҳудудидан ўтган Олмос кўчасининг 1,5 км қисмини 24/7 хизмат кўрсатиш кўчасига айлантириш борасида амалга оширилган ишлар билан яқиндан танишди. 

Лойиҳа доирасида 3 км пиёдалар йўлаги қуриш, 20 та ўриндиқлар ҳамда 150 дона кўча чироқлари ўрнатиш ишлари бажарилди. Натижада 5 та янги тадбиркор субъектлари ташкил этиш ҳамда 20 та тадбиркорлик субъектлари фаолиятини кенгайтириш ҳисобига 160 та иш ўрни яратилди.

Шундан сўнг, туман тиббиёт бирлашмасида бўлиб, шифохонанинг қиш фаслида истилиши, беморлар учун яратилган шароитлар кўздан кечирилди. 

Вилоят раҳбари Ғова қишлоғидаги “Тинчлик” маҳалласини «Янги Ўзбекистон қиёфасидаги маҳалла»га айлантириш юзасидан белгиланган қурилиш лойиҳалари билан танишди. Шунингдек, томорқалардан фойдаланиш ҳолати ўрганилиб, маҳалла биносини амалдаги тартиб асосида таъмирлаш бўйича масъулларга тегишли топшириқ ва кўрсатмалар берди.

Янги йил байрами арафасида Чуст "Деҳқон бозори"да ташкил этилган арзонлаштирилган озиқ-овқат маҳсулотлари ярмаркаси ҳамда "Мавлоно Лутфулло" номидаги маданият ва истироҳат боғига ўрнатилган "Янги йил арчаси" атрофидаги тадбирларни хавфсиз ва осойишта ўтиши учун тайёргарлик ҳолатлари ўрганилиб, масъулларга тегишли кўрсатма ва топшириқлар берилди.

Чуст тумани ҳокимлиги Ахборот хизмати.
__

Yangi yil arafasida: Chustdagi o‘zgarishlar aholi farvonligiga xizmat qiladi

Bugun Namangan viloyati hokimi Shavkatjon Abdurazzoqov Chust tumanidagi “Sabzazor” va “Bofanda” MFYlar hududidan o‘tgan Olmos ko‘chasining 1,5 km qismini 24/7 xizmat ko‘rsatish ko‘chasiga aylantirish borasida amalga oshirilgan ishlar bilan yaqindan tanishdi. 

Loyiha doirasida 3 km piyodalar yo‘lagi qurish, 20 ta o‘rindiqlar hamda 150 dona ko‘cha chiroqlari o‘rnatish ishlari bajarildi. Natijada 5 ta yangi tadbirkor subyektlari tashkil etish hamda 20 ta tadbirkorlik subyektlari faoliyatini kengaytirish hisobiga 160 ta ish o‘rni yaratildi.

Shundan so‘ng, tuman tibbiyot birlashmasida bo‘lib, shifoxonaning qish faslida istilishi, bemorlar uchun yaratilgan sharoitlar ko‘zdan kechirildi. 

Viloyat rahbari G‘ova qishlog‘idagi “Tinchlik” mahallasini «Yangi O‘zbekiston qiyofasidagi mahalla»ga aylantirish yuzasidan belgilangan qurilish loyihalari bilan tanishdi. Shuningdek, tomorqalardan foydalanish holati o‘rganilib, mahalla binosini amaldagi tartib asosida taʼmirlash bo‘yicha masʼullarga tegishli topshiriq va ko‘rsatmalar berdi.

Yangi yil bayrami arafasida Chust "Dehqon bozori"da tashkil etilgan arzonlashtirilgan oziq-ovqat mahsulotlari yarmarkasi hamda "Mavlono Lutfullo" nomidagi madaniyat va istirohat bog‘iga o‘rnatilgan "Yangi yil archasi" atrofidagi tadbirlarni xavfsiz va osoyishta o‘tishi uchun tayyorgarlik holatlari o‘rganilib, masʼullarga tegishli ko‘rsatma va topshiriqlar berildi.