Chortoq tumanidagi “Nuroniylar” maskanida oilani mustahkamlash, oilaviy ajrimlarning oldini olish va sog‘lom turmush tarzini targ‘ib qilishga qaratilgan targ‘ibot tadbiri bo‘lib o‘tdi.
2025-06-14 12:00:00 / Yangiliklar
Unda mahallalarda faoliyat yuritayotgan nuroniylar, ziyolilar, keksalar kengashi a’zolari, hayot tajribasi boy onaxonlar ishtirok etishdi. Ular zamonaviy oiladagi muammolar, ajrimlarning ortishi, o‘zaro tushunmovchiliklar, tarbiyadagi bo‘shliqlar haqida atroflicha fikr almashishdi.
Qayd etildiki, mustahkam oila — sog‘lom jamiyat poydevoridir. Shu bois, mahallalarda oilalar bilan individual tarzda ish olib borish, ota-onalarni huquqiy va psixologik jihatdan qo‘llab-quvvatlash, ajrimlarga olib keluvchi sabablarni bartaraf etish bo‘yicha maqsadli chora-tadbirlarni belgilash muhim vazifadir.
Tadbir davomida mahallada muammoli oilalar bilan ishlashda nuroniylar ishtirokini kengaytirish, sog‘lom turmush tarzi va ma’naviy yondashuvni kuchaytirish lozimligi ta’kidlandi.
Shuningdek, tadbir so‘ngida hududlarda amalga oshirilishi zarur bo‘lgan vazifalar belgilab olindi.
