Chortoq tumanida “So‘nggi qo‘ng‘iroq” tadbirlari uchun xavfsizlik choralari belgilab olindi
2025-05-23 18:10:00 / Yangiliklar
Tuman IIB da “So‘nggi qo‘ng‘iroq” tadbirlarini tinch va osoyishta o‘tkazishga qaratilgan xizmatoldi yo‘riqnomasi o‘tkazildi.
Unda tuman hokimi Ilhomjon Sattarov, tuman prokurori Zuhriddin Boyzoqov, tuman IIB boshlig‘i Muzaffar Nu’manov, viloyat Ichki ishlar boshqarmasi vakillari, MFY raislari, maktablar direktorlari hamda hamkor tashkilotlar rahbarlari ishtirok etishdi.
Yo‘riqnomada maktabdan tashqari holatda tadbir uyushtirish, cho‘milish havzalariga borish, yengil avtomashinalarda sayr qilish holatlariga yo‘l qo‘yilmaslik, shuningdek, kiyinish madaniyati, odob-axloq, jinoyatchilik, o‘quvchilar bilan bog‘liq yo‘l-transport hodisalari hamda boshqa ko‘ngilsiz voqealar yuz berishining oldini olishga qaratilgan nazorat tadbirlarini kuchaytirish bo‘yicha topshiriqlar berildi.
