Namangan viloyati Chortoq tumani hokimligi

Chortoq tumani hokimligi majlislar zalida O‘zbekiston Respublikasi Prezidentining 2025 yil 1 apreldagi "Respublika hududlarini jadal kompleks rivojlantirish uchun tanlab olingan tuman (shahar)larda amaliy chora-tadbirlarni amalga oshirish to‘g‘risida"gi qarori ijrosini ta’minlash masalalariga bag‘ishlangan yig‘ilish bo‘lib o‘tdi. Yig‘ilishda Namangan viloyati hokimining birinchi o‘rinbosari A.Abdulhamidov, Chortoq tumani hokimi I.Sattarov, Iqtisodiyot va Moliya vazirligi hududlar departamenti direktor o‘rinbosari Sherzod Abduraxmonov hamda tegishli soha va tashkilotlar rahbarlari ishtirok etdi. Majlisda Chortoq tumanini jadal kompleks rivojlantirish bo‘yicha amalga oshirilayotgan loyihalar, ularning hozirgi holati va kelgusidagi ustuvor vazifalar atroflicha muhokama qilindi. Tumanni ijtimoiy-iqtisodiy jihatdan rivojlantirish, infratuzilmani yanada takomillashtirish va aholi farovonligini oshirishga qaratilgan ushbu dasturning bosqichma-bosqich ijrosini ta’minlash yuzasidan tegishli tashkilotlar hamkorligida samarali ishlar davom ettirilishi ta’kidlandi.