Namangan viloyati Chortoq tumani hokimligi

Chortoq tumani hokimi Ilhomjon Sattarovning tadbirkorlar bilan navbatdagi uchrashuvi "Beshkapa" yoshlar kichik sanoat zonasida bo‘lib o‘tdi. Tuman hokimi tomonidan keyingi yillarda tadbirkorlikni rivojlantirish, qulay muhit yaratish, ularni qo‘llab-quvvatlashga qaratilgan keng ko‘lamli ishlar amalga oshirilayotganligi ta’kidlandi.    Jumladan, tumanda ham mazkur yo‘nalishda aniq manzilli ishlar olib borilayotganligi qayd etildi.    Uchrashuvda tadbirkorlikni rivojlantirish, yangi loyihalarni amalga oshirish uchun qulay muhit hamda moliyalashtirish tizimini shakllantirish bo‘yicha amalga oshirilishi lozim bo‘lgan muhim vazifalar yuzasidan fikrlar almashildi. Mazkur yo‘nalishdagi ishlarni yanada yuqori bosqichga ko‘tarish, tadbirkorlarga yer maydonlari ajratish, ularni moliyaviy qo‘llab-quvvatlash, eksport salohiyatini oshirish borasidagi masalalar muhokama qilindi.    Uchrashuv davomida tadbirkorlar o‘zlarini qiziqtirgan savollarga tuman hokimi va mutasaddilardan atroflicha javob olishdi.