Namangan viloyati Chortoq tumani hokimligi

Namangan davlat pedagogika instituti rektori Bahodir Xusanov Chortoq ixtisoslashtirilgan maktabida bo‘lib, o‘quvchi-yoshlar bilan yuzma-yuz muloqot qildi. Samimiy ruhda kechgan muloqot o‘quvchilar uchun haqiqiy mahorat darsini o‘tab berdi. Bilimga chanqoq va ko‘zlari yonib turgan yoshlarning qo‘lga kiritgan yutuqlari va shijoati professor-o‘qituvchilar tomonidan yuqori baholanib, e’tirof etildi. Yakunda yoshlar tomonidan tayyorlangan jadid bobolarimizning hayotini aks ettiruvchi sahna ko‘rinishi ishtirokchilar tomonidan yuqori baholandi.