Chortoq tumanida Ipak qurti urug'i jonlanish uchun inkobatoriyaga qo'yildi
2025-04-04 13:20:00 / Yangiliklar
Pillani "Dehqonchilikning handalagi" deb bekorga aytishmaydi. Bir oyda ipak qurti moʻjizaviy mahsulot yaratadiki, u iqtisodiyotimizni rivojlantirishda muhim o‘rin tutadi.
Shundan kelib chiqib, tumanda bu yilgi mavsumda ham yuqori hosil olish uchun astoydil kirishilib, bu borada barcha zarur chora-tadbirlar ko‘rildi.
Bugun "Muchum Keskanyor tex servis" MMTP hududida ilk ipak qurti urug‘lari jonlantirish uchun inkubatoriyaga qo‘yildi.
Tuman hokimi Ilhomjon Sattarov hamda tuman IIB boshlig‘i Muzaffar Nu’manovlar ayni manzilda bo‘lib, jarayonlarning borishi bilan yaqindan tanishishdi. Ipak qurti urug‘larini jonlantirishda amalga oshiriladigan ishlarni belgilangan talab darajasida amalga oshirish bo‘yicha ko‘rsatmalar berildi.
Ma’lumot uchun: joriy mavsumda Chortoq tumanida 3970 quti ipak qurti parvarishlanib, 238 tonna hosil olish maqsad qilingan.
