Namangan viloyati Chortoq tumani hokimligi

Ushbu tadbir Chortoq tumanidagi 1-sonli politexnikumda “Milliy armiya — Ona yurt qalqoni, tinchligimiz posboni!” shiori ostida bo‘lib o‘tdi. Tadbirda tuman hokimligi, Respublika Ma’naviyat va ma’rifat markazining tuman bo‘linmasi, harbiy qism zobitlari, harbiy xizmat faxriylari hamda yoshlar faol ishtirok etdi. Tadbirda so‘z olganlar tomonidan O‘zbekiston Respublikasi Qurolli Kuchlari tashkil etilganiga 34 yil to‘lishi, shuningdek, Vatan himoyachilari kuni bayramining mamlakat taraqqiyoti, yurt tinchligi va xalq farovonligini ta’minlashdagi o‘rni va ahamiyatiga to‘xtalib o‘tildi. Rasmiy marosim tantanali saf tortishi bilan boshlanib, Davlat madhiyasining yangrashi bilan davom etdi. Tadbir yakunida yoshlar tomonidan ijodiy va sport chiqishlari namoyish etildi, shuningdek, harbiy texnika va qurol-aslahalar ko‘rgazmasi tashkil etilib, ishtirokchilarga taqdim qilindi.