Namangan viloyati Chortoq tumani hokimligi

Yurtimiz bo‘ylab Yangi yil bayramiga xos quvonch va shukronalik kayfiyati hukm surmoqda. Ana shu bayramona ruh Chortoq tumanining markaziy bozorida ham yaqqol namoyon bo‘lib, bozorga kirgan har bir insonni o‘zgacha iliq muhit bilan qarshi olmoqda. Rastalardagi mo‘l-ko‘l mahsulotlar, xaridorlarning xushnud qiyofasi va sotuvchilarning samimiy munosabati tinch va obod yurtdagi farovon hayot manzarasini ifodalaydi. Bayram kunlarida tuman hokimligi, Iqtisodiy jinoyatlarga qarshi kurashish departamenti hamda boshqa hamkor tashkilotlar tomonidan tashkil etilgan arzonlashtirilgan oziq-ovqat mahsulotlari yarmarkasi esa aholi uchun ayni muddao bo‘lmoqda. Mazkur yarmarka orqali ijtimoiy ahamiyatga ega mahsulotlar hamyonbop narxlarda taklif etilib, har bir xonadon dasturxonining to‘kin bo‘lishiga xizmat qilmoqda.