Chirchiq shahar hokimi M.Abdurahimov tayanch (og‘ir) mahalla sifatida belgilangan “Xamza” mahallasida bo‘lib, mahalla faollari, nuroniylar hamda aholi vakillari bilan ochiq muloqot o‘tkazdi.
2026-07-24 06:30:00 / Yangiliklar
Bugun Chirchiq shahar hokimi M.Abdurahimov tayanch (og‘ir) mahalla sifatida belgilangan “Xamza” mahallasida bo‘lib, mahalla faollari, nuroniylar hamda aholi vakillari bilan ochiq muloqot o‘tkazdi.
Uchrashuv davomida mahallani kompleks rivojlantirish, aholi uchun munosib turmush sharoitlarini yaratish va hududni ijtimoiy-iqtisodiy jihatdan yanada taraqqiy ettirishga qaratilgan ustuvor vazifalar muhokama qilindi.
Xususan, muhandislik-kommunikatsiya infratuzilmasini modernizatsiya qilish, ichki yo‘llarni ta’mirlash, obodonlashtirish va ko‘kalamzorlashtirish ishlarini jadallashtirish, aholi bandligini ta’minlash, tadbirkorlikni qo‘llab-quvvatlash hamda ijtimoiy soha obyektlari faoliyati samaradorligini oshirish masalalari yuzasidan fikr almashildi.
Shuningdek, fuqarolar tomonidan bildirilgan taklif va murojaatlar atroflicha ko‘rib chiqildi. Ularni o‘z vaqtida va sifatli hal etish yuzasidan tegishli mutasaddilarga aniq vazifalar hamda ijrosi nazoratga olingan topshiriqlar berildi.