Chirchiq shahrida xotin-qizlar bandligi va salomatligini mustahkamlash markazi ochildi
2026-06-09 13:00:00 / Yangiliklar
Chirchiq shahrida xotin-qizlar bandligi va salomatligini mustahkamlash markazi ochildi
Chirchiq shahrida O‘zbekiston Respublikasi Prezidentining 2022-yil 21-sentabrdagi “Xotin-qizlar bandligini oshirish va salomatligini mustahkamlashga oid qo‘shimcha chora-tadbirlar to‘g‘risida”gi PQ-376-son qarori ijrosini ta’minlash maqsadida “Tinchlik” mahallasida Xotin-qizlar bandligini ta’minlash va salomatligini mustahkamlash markazining ochilish marosimi bo‘lib o‘tdi.
Tadbirda Chirchiq shahar hokimi M.Abdurahimov, Xalq deputatlari Chirchiq shahar Kengashi deputatlari, nuroniylar, “Oqila ayollar” harakati a’zolari, keng jamoatchilik vakillari, mahalla raislari hamda xotin-qizlar faollari ishtirok etdi.
Tadbir davomida markaz faoliyatining asosiy yo‘nalishlari haqida ma’lumot berildi. Ta’kidlanganidek, mazkur maskan xotin-qizlarning bandligini ta’minlash, salomatligini mustahkamlash, iqtisodiy faolligini oshirish, ularni tadbirkorlik faoliyatiga jalb etish, kasb-hunarga o‘qitish hamda sog‘lom turmush tarzini targ‘ib qilishga xizmat qiladi.
Shuningdek, markaz orqali xotin-qizlarning ijtimoiy-iqtisodiy faolligini qo‘llab-quvvatlash, ularning jamiyatdagi o‘rnini mustahkamlash va oilalar farovonligini oshirishga qaratilgan amaliy loyihalar amalga oshirilishi qayd etildi.
Mazkur markaz faoliyati xotin-qizlarning hayot sifatini yaxshilash, ularning imkoniyatlarini kengaytirish hamda mahallalarda ijtimoiy barqarorlikni mustahkamlashga munosib hissa qo‘shadi.