Xalq deputatlari Chirchiq shahar Kengashining navbatdagi sessiyasi bo‘lib o‘tdi
2026-05-20 16:35:00 / Yangiliklar
Xalq deputatlari Chirchiq shahar Kengashining navbatdagi sessiyasi bo‘lib o‘tdi
Chirchiq shahar hokimligining katta majlislar zalida Xalq deputatlari Chirchiq shahar Kengashining navbatdagi sessiyasi bo‘lib o‘tdi. Sessiyani Xalq deputatlari Chirchiq shahar Kengashi raisi M.Umarov olib bordi.
Sessiya kun tartibida shahar ijtimoiy-iqtisodiy rivoji hamda hududda amalga oshirilayotgan islohotlarga oid qator muhim masalalar ko‘rib chiqildi.
Shuningdek, Chirchiq shahar byudjetining qo‘shimcha manbalari hisobidan mablag‘larni yo‘naltirish masalasi, 2026-yilda to‘g‘ridan to‘g‘ri xorijiy investitsiyalarni o‘zlashtirish, hududiy loyihalarni ishga tushirish hamda eksport prognozining bajarilishi holati, shahar soliq inspeksiyasi tomonidan 2026-yil 1-chorak davomida byudjet prognoz ko‘rsatkichlarining bajarilishi va yashirin iqtisodiyotga qarshi kurashish borasida amalga oshirilayotgan ishlar, Chirchiq shahrini murojaatlar bilan ishlash bo‘yicha namunali hududga aylantirish yuzasidan ishlab chiqilgan harakatlar rejasi, shahar Yoshlar ishlari bo‘limining 2026-yil 1-chorak davomida amalga oshirgan ishlari yuzasidan hisoboti va O’zbekiston Respublikasi Prezidentining 2022-yil 2-avgustdagi 341-sonli qarorida belgilangan vazifalar ijrosi yuzasidan amalga oshirilayotgan ishlar muhokama qilindi.
Sessiya davomida masalalar yuzasidan mutasaddi rahbarlarning hisobotlari tinglanib, deputatlar tomonidan taklif va mulohazalar bildirildi. Kun tartibidagi masalalar yuzasidan tegishli qarorlar qabul qilindi.