Chirchiq shahar Tibbiyot birlashmasi boshlig‘i Abbos Rahimovning aholi va soha xodimlariga MUROJAATI
2026-01-23 18:05:00 / Yangiliklar
Chirchiq shahar Tibbiyot birlashmasi boshlig‘i
Abbos Rahimovning aholi va soha xodimlariga MUROJAATI
O‘zbekiston Respublikasi Prezidenti Sh.Mirziyoyev rahbarligida mamlakatimizning barcha sohalarida chuqur islohotlar jadal sur’atlarda amalga oshirilmoqda. Xususan, korrupsiyaga qarshi kurashish masalasiga alohida e’tibor qaratilib, uning oldini olishning mustahkam huquqiy bazasi yaratildi.
Biz — tibbiyot xodimlari adolatli, erkin va taraqqiyot sari intilayotgan jamiyatda faoliyat yuritar ekanmiz, bugungi kunda yurtimizda amalga oshirilayotgan islohotlarda shaffoflikni ta’minlash va xalq manfaatlarini himoya qilish borasidagi sa’y-harakatlarimizga mas’uliyat bilan yondashishimiz, faollikni namoyon etib, aziz xalqimiz roziligini asosiy maqsadimiz deb bilishimiz lozim.
Ma’lumki, mamlakatimizning barcha sohalarida qisqa vaqt ichida qator elektron modullarni o‘zida jamlagan Yagona tibbiyot axborot tizimi (D-MED) yaratilishi va shahar tibbiyot muassasalarida ishga tushirilishi korrupsiya xavflarini barvaqt aniqlash hamda oldini olishga xizmat qilayotgani bilan ahamiyatlidir.
Hurmatli fuqarolar!
Korrupsiya, byurokratiya, ta’magirlik va manfaatlar to‘qnashuvi holatlarining oldini olishda har bir shaxsning faol ishtiroki hamda haqiqatni himoya qilishdagi ko‘magi muhim ahamiyat kasb etadi. Shu sababli, agar siz korrupsiyaning har qanday ko‘rinishiga guvoh bo‘lgan bo‘lsangiz, Chirchiq shahar Tibbiyot birlashmasining korrupsiyaga oid huquqbuzarliklar haqida xabar berishga mo‘ljallangan quyidagi aloqa kanallari orqali murojaat qilishingizni so‘raymiz:
• Ishonch telefoni: 71-712-08-49;
• Bevosita birlashma boshlig‘iga;
• Birlashmaning Odob-axloq komissiyasi raisiga murojaat qilishingiz mumkin.