Surxondaryo viloyati Kambag‘allikni qisqartirish va bandlik boshqarmasi

Surxondaryoda ishsiz fuqarolarni kasb-hunarga o‘qitish ishlari tahlil qilindi Bugungi kunda ishsiz aholini bandligini ta’minlash, fuqarolarni zamonaviy va mehnat bozorida talab yuqori bo‘lgan kasb-hunarlarga o‘qitish hamda ularning barqaror daromad manbalarini yaratish dolzarb vazifalardan biridir. Ayni maqsadda Surxondaryo viloyatida fuqarolarni vaucher asosida kasb-hunarga o‘qitish tizimi yo‘lga qo‘yilgan bo‘lib, joriy yilda viloyatdagi 50 ga yaqin o‘quv markazida 10 ming nafar fuqaroni o‘qitish belgilangan. Bugungi kunga qadar mazkur reja 107 foizga bajarildi. Kelgusidagi vazifalar, mavjud muammolar va tizimda kuzatilayotgan kamchiliklarni muhokama qilish maqsadida viloyat Kambag‘allikni qisqartirish va bandlik boshqarmasida tuman shahar bandlikka ko'maklashish bo'limi rahbarlari, mas'ul xodimlari ishtirokida kengaytirilgan yig‘ilish o‘tkazildi. Unda Bandlik vazirligi departament boshlig‘i Toirxo'ja Maxamadxo'jayev ishtirok etib, ishsizlarni kasb-hunarga o'qitish va qayta tayyorlash borasida olib borilayotgan ishlar, ta’lim olgan fuqarolarning kelgusida bandligini ta’minlash masalalari atroflicha tahlil qilindi. Yig‘ilish yakunida mavjud kamchiliklarni bartaraf etish, belgilangan ko‘rsatkichlarning to‘liq va sifatli ijrosini ta’minlash, fuqarolarni mehnat bozorida talab yuqori bo‘lgan kasblarga yo‘naltirish hamda ularning bandligini ta’minlash bo‘yicha mas’ullarga tegishli ko‘rsatma va aniq vazifalar berildi. #Surxondaryo #Bandlik #KasbHunar #Vaucher #AholiBandligi #KambagallikniQisqartirish Eslatma: "Mehnat kodeksiga sharh" Elektron platformasi ishga tushdi ➡️ e-kodeks.uz