Sirdaryo tumanining Paxtakor mahallasida sayyor qabul o‘tkazildi
2026-07-25 12:15:00 / Yangiliklar
Prezidentning Sirdaryo viloyati bo‘yicha Xalq qabulxonasi tomonidan Sirdaryo tumanining Paxtakor mahallasida navbatdagi sayyor qabul tashkil etildi.
Viloyat hokimi Erkinjon Turdimov rahbarligida o‘tgan muloqot davomida fuqarolardan jami 125 ta murojaat kelib tushdi.
Murojaatlarning asosiy qismi uylarni rasmiylashtirish, yo‘llarni ta’mirlash va ijtimoiy masalalarga taalluqli bo‘ldi.
📊 Yo‘nalishlar (sohalar) kesimida:
🔹 Uy-joy va kadastr masalalari: 35 ta (hujjatlashtirish, xususiylashtirish, turar joy ajratish va subsidiya)
🔹 Yo‘llar va infratuzilma: 17 ta (ichki yo‘llarni asfalt qilish, bekat va bolalar maydonchasi qurish)
🔹 Bandlik va ijtimoiy ko‘mak: 14 ta (ishga joylashish va moddiy yordam)
🔹 Kommunal soha: 12 ta (ichimlik suvi tarmog‘i, elektr ta’minoti va simyog‘ochlar)
🔹 Moliya, kredit va ish haqi: 11 ta (to‘lanmay qolgan ish haqilarini undirish, bank kreditlari va subsidiyalar)
🔹 Sog‘liqni saqlash: 9 ta (davolanish va tibbiy yordam ko‘rsatish)
🔹 Yer masalalari va qishloq xo‘jaligi: 5 ta (ijara yer va fermerlik masalalari)
🔹 Boshqa ijtimoiy-huquqiy masalalar: 22 ta
📍 Mahallalar kesimida eng ko‘p murojaat tushgan hududlar:
🔹 Orzu MFY: 10 ta
🔹 Paxtakor MFY: 6 ta
🔹 Shirin MFY: 6 ta
🔹 Oqibat MFY: 5 ta
🔹 Quyosh MFY: 5 ta
🔹 Bunyodkor, Intilish va Ilg‘or MFYlar: 4 tadan
(Qolgan murojaatlar tuman va viloyatning boshqa mahallalari hamda tutash hududlar hissasiga to‘g‘ri keldi).
Sayyor qabul davomida har bir murojaat mas’ul mutasaddi va tashkilotlar biriktirilgan holda nazoratga olindi. Joyida hal etish imkoni bo‘lgan masalalar qanoatlantirildi, muddat talab etadigan jarayonlar bo‘yicha aniq chora-tadbirlar belgilandi.