Buxoro tumani: Istiqbol mahallasida OPEK dasturi doirasida ijtimoiy soha obyektlarida ta’mirlash ishlari olib borilmoqda
2026-09-29 19:30:00 / Yangiliklar
Mamlakatimizda ta’lim tizimini yanada takomillashtirish, ta’lim muassasalari infratuzilmasini modernizatsiya qilish hamda o‘quvchi va tarbiyalanuvchilar uchun zamonaviy va qulay shart-sharoitlar yaratish borasida keng ko‘lamli ishlar amalga oshirilmoqda.
Mazkur yo‘nalishdagi ishlar O‘zbekiston Respublikasi Prezidentining 2021-yil 18-sentabrdagi “Islom taraqqiyot banki” hamda OPEK xalqaro taraqqiyot jamg‘armasi ishtirokida ta’lim infratuzilmasini rivojlantirishga qaratilgan loyihalarni amalga oshirish chora-tadbirlari to‘g‘risida”gi qarori asosida izchil davom ettirilmoqda.
Mazkur dastur doirasida Buxoro tumanining Istiqbol mahallasida ham ijtimoiy soha obyektlarini yangilash va ularning moddiy-texnik bazasini mustahkamlashga qaratilgan qurilish-ta’mirlash ishlari olib borilmoqda.
Xususan, mahalladagi ijtimoiy soha obyektlarida mavjud binolarni ta’mirlash, infratuzilmani yaxshilash hamda zamonaviy talablarga mos shart-sharoitlar yaratish bo‘yicha tegishli ishlar amalga oshirilmoqda.
Ta’mirlash jarayonida obyektlarning ichki va tashqi qismlarini yangilash, xonalarni zamonaviy talablar asosida jihozlash hamda muhandislik-kommunikatsiya tarmoqlarini tartibga keltirish kabi ishlar bajarilmoqda.
Mazkur ishlarning yakunlanishi natijasida Istiqbol mahallasidagi ijtimoiy soha obyektlaridan foydalanayotgan aholi, xususan, yosh avlod uchun yanada qulay va zamonaviy shart-sharoitlar yaratiladi.
Ta’lim va ijtimoiy soha obyektlarini modernizatsiya qilishga qaratilgan bunday loyihalar hudud infratuzilmasini rivojlantirish, aholiga ko‘rsatilayotgan xizmatlar sifatini oshirish hamda yosh avlod uchun munosib sharoitlar yaratishga xizmat qiladi.