Buxoro viloyati Buxoro tumani hokimligi

Buxoro tumanida ta’lim muassasalarini zamonaviylashtirish, o‘quvchilar uchun munosib shart-sharoitlar yaratish borasidagi bunyodkorlik ishlari izchil davom ettirilmoqda.

O‘zbekiston Respublikasi davlat mustaqilligining 35 yilligi arafasida Buxoro tumani Qo‘lba qishlog‘idagi 50-son umumiy o‘rta ta’lim maktabining mukammal ta’mirdan chiqarilgan binosi foydalanishga topshirildi.

Ta’lim maskanining yangilangan binosini foydalanishga topshirishga bag‘ishlangan tantanali tadbirda Buxoro tuman hokimi Anvarjon Ochilov, maktab jamoasi, ustoz va murabbiylar, o‘quvchilar, ota-onalar hamda mahalla faollari ishtirok etdi.

Mazkur ta’lim muassasasida OPEK dasturi asosida keng ko‘lamli ta’mirlash ishlari amalga oshirildi. Loyiha doirasidagi ishlar “AZIZBEK ELSHOD SAVDO” MChJ tomonidan bajarilib, buning uchun 4 milliard 800 million so‘m mablag‘ yo‘naltirildi.

Mukammal ta’mirlash ishlari natijasida maktab binosi zamonaviy qiyofaga keltirilib, o‘quvchilar va pedagoglar uchun qulay ta’lim olish hamda samarali faoliyat yuritish sharoitlari yaratildi.

Tadbir davomida maktabda yaratilgan sharoitlar ko‘zdan kechirildi. Maktab jamoasi, ustoz va murabbiylar hamda o‘quvchilarga yangi o‘quv yilida muvaffaqiyatlar tilandi.

Bugungi kunda yurtimizda ta’lim sohasiga qaratilayotgan yuksak e’tibor, maktablarni ta’mirlash va ularning moddiy-texnik bazasini mustahkamlashga yo‘naltirilayotgan mablag‘lar yosh avlod kelajagiga bo‘lgan g‘amxo‘rlikning amaliy ifodasidir.

Yangilangan maktab binosi o‘quvchilarning sifatli ta’lim olishi, pedagoglarning samarali faoliyat yuritishi hamda yosh avlodning har tomonlama kamol topishiga xizmat qiladi.

Yangilangan 50-son maktab binosi o‘quvchilar, ustozlar va ota-onalar uchun muborak bo‘lsin!