Buxoro tumani hokimi Anvarjon Ochilov yoshlar yetakchilari bilan ochiq muloqot o‘tkazdi
2026-06-11 18:30:00 / Yangiliklar
Buxoro tumani hokimi Anvarjon Ochilov mahallalardagi yoshlar yetakchilari bilan ochiq muloqot o‘tkazdi. Uchrashuvda tumanda yoshlarga oid davlat siyosatini samarali amalga oshirish, ularning muammolarini o‘rganish hamda takliflarini tinglash masalalariga alohida e’tibor qaratildi.
Muloqot davomida yoshlar yetakchilari o‘z hududlaridagi mavjud muammolar, yoshlarning bandligini ta’minlash, kasb-hunarga o‘qitish, tadbirkorlik faoliyatini rivojlantirish va bo‘sh vaqtlarini mazmunli tashkil etish bo‘yicha taklif va mulohazalarini bildirdilar.
Tuman hokimi har bir murojaat va taklifni diqqat bilan tinglab, yoshlar bilan ishlash tizimini yanada takomillashtirish, ularning tashabbuslarini qo‘llab-quvvatlash hamda mavjud muammolarni bartaraf etish yuzasidan mas’ullarga tegishli topshiriqlar berdi.