Buxoro tumani hokimi Anvarjon Ochilovning navbatdagi fuqarolar qabuli bo‘lib o‘tdi
2026-06-05 13:45:00 / Yangiliklar
Mamlakatimizda xalq bilan muloqot qilish, aholini o‘ylantirayotgan muammolarga tezkor va joyida yechim topishning zamonaviy va samarali mexanizmi yo‘lga qo‘yilgani odamlarning adolatga, davlatga, ertangi kunga ishonchini mustahkamlamoqda.
Xususan, bugun 5-iyun kuni Buxoro tuman hokimi Anvarjon Ochilovning navbatdagi fuqarolar qabuli tuman “Xalq qabulxonasi” binosida bo'lib o'tdi.
Tashkil etilgan fuqarolar murojaatlari qabulida barcha korxona-tashkilot rahbarlari hamda fuqarolar ishtirok etdi.
Aholi tomonidan ishga joylashlashtirish, moddiy yordam tayinlash, sog‘ligini tiklash maqsadida amaliy yordam berish kabi murojaatlar kelib tushdi. Aksariyat murojaatlar shu yerning o‘zidayoq ijobiy hal etilib, yechimi muddat talab etadigan yoki qayta o‘rganish talab etadigan murojaatlar tegishli tashkilotlariga yo‘naltirilib, ijrosi tuman hokimligi tomonidan nazoratga olindi.