Buxoro tumani: Xonabod mahallasida yana bir oilaviy maktabgacha ta’lim tashkiloti faoliyat boshladi.
2026-03-31 10:30:00 / Yangiliklar
Xonabod mahallasida yangidan tashkil etilgan “Robiya Kids Academy”ning tantanali ochilish marosimi bo‘lib o‘tdi.
Ushbu ta’lim maskani — 50 o‘rinli oilaviy maktabgacha ta’lim tashkiloti bo‘lib, bolajonlarimizning ilk qadamlari, katta orzulari va yorqin kelajak sari ochilgan muhim eshikdir.
Quvonch va samimiy tabriklarga boy ushbu tadbirda Buxoro tuman Maktabgacha va maktab ta’limi bo‘limi xodimlari, nuroniylar, ota-onalar hamda bolajonlar faol ishtirok etdilar.
Ularning ezgu tilaklari ushbu maskan kelajagining yanada porloq bo‘lishiga ishonchni mustahkamladi.
Mazkur markazda bolalar uchun zamonaviy ta’lim dasturlari, qiziqarli mashg‘ulotlar hamda malakali ustozlar tomonidan sifatli ta’lim yo‘lga qo‘yilgan.