Buxoro tumanidagi barcha mahallalarda ro‘yxatga olish tadbirining ikkinchi bosqichi davom etmoqda
2026-02-07 15:50:00 / Yangiliklar
Hozirgi kunda Buxoro tumanidagi barcha mahallalarda aholi va qishloq xo‘jaligini ro‘yxatga olish tadbirining ikkinchi bosqichi izchil davom ettirilmoqda.
Mazkur tadbir doirasida aholining ijtimoiy-demografik holati, yashash sharoitlari, shuningdek, qishloq xo‘jaligi faoliyati bilan bog‘liq muhim ma’lumotlar to‘planmoqda. Ushbu ma’lumotlar kelgusida hududlarni ijtimoiy-iqtisodiy rivojlantirish, infratuzilmani yaxshilash hamda aholi farovonligini oshirishga qaratilgan dasturlarni ishlab chiqishda muhim ahamiyat kasb etadi.
Ro‘yxatga olish jarayonlari belgilangan tartib va talablar asosida, maxsus tayyorlangan ro‘yxatga oluvchilar tomonidan olib borilmoqda. Aholidan tadbirda faol ishtirok etish va ishonchli ma’lumotlar taqdim etish so‘raladi.