Buxoro tuman hokimi Anvarjon Ochilovning navbatdagi sayyor qabuli “Novmetan” mahallasida bo‘lib o‘tdi
2025-12-09 16:10:00 / Yangiliklar
Mamlakatimizda xalq bilan muloqot qilish, aholini o‘ylantirayotgan muammolarga tezkor va joyida yechim topishning zamonaviy va samarali mexanizmi yo‘lga qo‘yilgani odamlarning adolatga, davlatga, ertangi kunga ishonchini mustahkamlamoqda.
Xususan, aholi bilan to'g'ridan-to'g'ri muloqot qilish orqali mavjud muammolarni aniqlash, ularni bеvosita joyida bartaraf etish hamda yoshlar bilan muloqot qilish maqsadida bugun Buxoro tuman hokimi Anvarjon Ochilov “Novmetan” mahallasi fuqarolari va yoshlari bilan uchrashdi.
Ochiq muloqot tarzida o‘tgan uchrashuvda 10 dan ortiq fuqarolar va yoshlarning murojaatlari hokim ishtirokida ko‘rib chiqildi. Qabul qilingan murojaatlarning 7 tasi joyida hal etildi, ma’lum bir muddat talab etiladigan masalalar yuzasidan tegishliligi bo‘yicha mutasaddilarga biriktirildi va ijrosi nazoratga olindi.