Buxoro neftni qayta ishash zavodi kuz-qish mavsumiga tayyorlanmoqda
2024-09-21 09:55:00 / Yangiliklar
Jumladan, Buxoro neftni qayta ishlash zavodi o‘zining ishlab chiqarish hajmi va samaradorligi bilan mamlakatning muhim ishlab chiqarish korxonalaridan biri hisoblanadi. Zavodning barqaror ishlashini ta’minlashda mavsumiy rejali ta’mirlash ishlari katta ahamiyatga ega.
“O‘zbekneftgaz” AJ axborot xizmatidan olingan ma’lumotga binoan, hozirgi kunga qadar zavodda muhim ta’mirlash va tiklash ishlari qatorida 6 ta bug‘ qozoni texnik ko‘rikdan o‘tkazilib, shay qilinib, 9 ta sig‘im tozalangan. Shuningdek, 110 metr elektr tarmog‘i qayta tiklanib, 7 ta transformator podstansiyasi va 25 ta dizel elektr stansiyasi ta’mirdan chiqarilgan.
Bundan tashqari, zavodda 200 metr kabel estakadasi, 1710 metr issiqlik tarmog‘i ta’mirlanib, 345 metr issiqlik tarmog‘i izolyatsiya qilingani holda 7 ta gaz taqsimlash punkti texnik ko‘rikdan o‘tkazilib, nuqsonlar bartaraf etilgan. Shu qatorda hududda 1440 metr suv tarmog‘i ta’mirlanib, 36 ta avtomatik ulash qurilmasi ishchi holatida ekani tekshirib chiqilgan va kamchiliklar tuzatilgan. Bu tadbirlar nafaqat mavjud infratuzilmani barqaror ishlatishga yo‘naltirilgan, balki ularni modernizatsiya qilish va energiya resurslarini yanada samarali foydalanishga qaratilgan.
Zavodning eng muhim texnologik qurilmalari bo‘lgan gaz kondensati va neft aralashmasini bosim ostida haydash qurilmasi hamda umumiy xom ashyoni vodorod yordamida tozalash qurilmasida ham ta’mirlash ishlari amalga oshirilgan. Bu jarayonda barcha zaruriy moddiy-texnik resurslar va ehtiyot qismlar tayyor holatga keltirilgan. Ta’mirlangan qurilmalarning sifatli ishlatilishi joriy mavsumda zavodning uzluksiz va ishonchli ishlashini ta’minlashga qaratilgan.
Viloyat hokimligi matbuot xizmati