Buvayda tumanida “Rahbar va yoshlar uchrashuvi” bo‘lib o‘tdi.
2025-10-31 10:10:00 / Yangiliklar
Tadbirda Buvayda tumani prokurori Ziyovuddin Sulaymonov ishtirok etib, iqtidorli yoshlar bilan ochiq muloqot o‘tkazdi. U yoshlarning fikr va tashabbuslarini tinglab, ularning huquqiy savodxonligini oshirish, erkin fikrlaydigan va tashabbuskor bo‘lishlari uchun zarur shart-sharoitlar yaratish masalalariga alohida to‘xtaldi.
Prokuror yosh ijodkorlarning kitoblarini nashr ettirish, ularni rag‘batlantirish va huquqiy jihatdan qo‘llab-quvvatlash bo‘yicha amaliy yordam ko‘rsatishini bildirdi.
Uchrashuvda tuman hokimi o‘rinbosari G‘ayratjon Mamajonov, Yoshlar ishlari agentligi vakillari, yoshlar yetakchilari va iqtidorli yoshlar ishtirok etdilar.
Bunday uchrashuvlar yoshlarni qo‘llab-quvvatlash, ularning ijtimoiy faolligini oshirish va rahbarlar bilan ochiq muloqotni yo‘lga qo‘yishga xizmat qiladi.