Buvayda tumanida “Mirzo Ulug‘bek vorislari” Respublika tanlovining tuman bosqichi bo‘lib o‘tdi.
2026-03-16 13:10:00 / Yangiliklar
Tanlovda yosh ixtirochilar, o‘quvchi va talabalar hamda ilm-fan va innovatsiyaga qiziqishi yuqori bo‘lgan yoshlar o‘zlarining innovatsion g‘oyalari, ilmiy ishlanmalari va startap loyihalari bilan ishtirok etdilar.
Ishtirokchilar tomonidan taqdim etilgan loyihalar innovatsionligi, amaliy ahamiyati, iqtisodiy samaradorligi va istiqboli kabi mezonlar asosida hakamlar hay’ati tomonidan baholab borildi.
Tanlov jarayonida yoshlarning yangi g‘oya va texnologiyalar yaratishga bo‘lgan intilishi hamda muammolarga innovatsion yechim topish salohiyati namoyon bo‘ldi.
Tanlov nizomiga muvofiq, eng iqtidorli ishtirokchilar orasidan 5 nafardan g‘oliblar aniqlanib, ular viloyat bosqichida ishtirok etish yo‘llanmasini qo‘lga kiritdi.
Mazkur tanlov yoshlarning ilmiy va innovatsion salohiyatini rivojlantirish, iqtidorli yoshlarni qo‘llab-quvvatlash hamda ularning g‘oyalarini ro‘yobga chiqarishga xizmat qiladi.