Buvayda tumanida qishloq xo‘jaligi sohasiga bag‘ishlangan amaliy seminar o‘tkazildi
2026-03-14 14:30:00 / Yangiliklar
Mazkur tadbirda tuman hokimligi mutasaddilari, qishloq xo‘jaligi sohasiga mas’ul tashkilotlar vakillari, agronom-mutaxassislar hamda tumandagi fermer xo‘jaliklari rahbarlari ishtirok etdi. Seminar davomida qishloq xo‘jaligi sohasida amalga oshirilayotgan islohotlar, fermerlar oldida turgan ustuvor vazifalar hamda ekin maydonlaridan samarali foydalanish masalalari yuzasidan tushuntirishlar berildi.
Shuningdek, dala sharoitida g‘alla maydonlarida uchrashi mumkin bo‘lgan zang kasalligiga qarshi kurashish, begona o‘tlarga qarshi kimyoviy ishlov berish texnologiyalari hamda zamonaviy agrotexnik usullarni qo‘llash bo‘yicha mutaxassislar tomonidan amaliy tavsiyalar berildi.
Seminar jarayonida asosiy ekin maydonlariga kartoshka ekinlarini ekish jarayonlarini to‘g‘ri tashkil etish, ekin parvarishi, hosildorlikni oshirish hamda agrotexnik tadbirlarni o‘z vaqtida va sifatli amalga oshirish masalalariga ham alohida e’tibor qaratildi.
Tadbir yakunida fermer xo‘jaliklari rahbarlari o‘zlarini qiziqtirgan savollarga mutaxassislar tomonidan batafsil javoblar oldi hamda ilg‘or tajribalarni amaliyotga joriy etish bo‘yicha tavsiyalar berildi.