Buvayda tumanida umumxalq hasharlari davom etmoqda
2026-02-14 13:05:00 / Yangiliklar
Buvayda tumanida hududlarni obodonlashtirish va mahallalarda yanada qulay muhit yaratish maqsadida umumxalq hasharlari faol olib borilmoqda. Xususan, Sho‘r va Qum mahalla fuqarolar yig‘inlarida keng ko‘lamli obodonlashtirish ishlari tashkil etildi.
Hashar jarayonida ariqlar kovlab tozalanib, betonlashtirish ishlari amalga oshirilmoqda. Nuroniy onalar tomonidan milliy taomlar tayyorlanib, yoshlar faol ishtirok etmoqda. Mahalla ahli bir yoqadan bosh chiqarib, ahillik va hamjihatlik ruhida ish olib bormoqda.
Mazkur tashabbuslar obodonlashtirish va mahalla birdamligini mustahkamlashga qaratilgan bo‘lib, joriy yil mazmun-mohiyatiga hamohang tarzda aholining birgalikdagi sa’y-harakatlarini namoyon etmoqda.