Buvaydalik yoshlar yangi xonadonli bo‘ldi
2026-01-16 10:25:00 / Yangiliklar
O‘zbekiston Respublikasi Prezident huzuridagi Ijtimoiy himoya milliy agentligi tashabbusi bilan, Vazirlar Mahkamasining 2021-yil 25-oktabrdagi 656-son qaroriga muvofiq, Buvayda tumanida 2 nafar ota-ona qaramog‘idan mahrum bo‘lgan yigit-qizga yangi xonadonlar topshirildi.
Xonadonlar Buvayda tumani hokimi Behzodjon Ibragimov tomonidan tuman hokimligi, “Inson” ijtimoiy xizmatlar markazi mas’ullari hamda mahalla jamoatchiligi vakillari ishtirokida tantanali tarzda topshirildi. Tadbirda yoshlar mustaqil hayotga qadam qo‘ygani bilan tabriklandi.
Yangi uy egalari — Komilov Ismoil va Odiljonova Diyora davlat tomonidan ko‘rsatilayotgan e’tibor va g‘amxo‘rlik uchun minnatdorlik bildirib, kelgusida jamiyat va yurt ravnaqiga munosib hissa qo‘shishga intilishlarini ta’kidladilar.