Samarqand viloyati Bulung'ur tumani hokimligi

Joriy yilning 12 oyida tumanda korrupsiyaga qarshi kurash yo‘nalishlarida amalga oshirilgan ishlar to‘g‘risida

AXBOROT

Tuman prokuraturasi tomonidan korrupsiyaga qarshi kurash borasida joriy yilning 12 oyi davomida muayyan ishlar amalga oshirildi.

Faoliyatni tashkil etishda asosiy e’tibor qonunlar, O‘zbekiston Respublikasi Prezidentining farmon, qarorlari, shuningdek berilgan vazifalar ijrosini so‘zsiz ta’minlash, tizimli kamchiliklarni bartaraf etishga qaratildi.

Davlatimiz rahbari Shavkat Miromonovich Mirziyoev joriy yilning 5-mart kuni korrupsiyaga qarshi kurashish hamda jamoatchilik nazorati tizimlarini takomillashtirish masalalariga bag‘ishlangan yig‘ilish o‘tkazgani bu masalaning naqadar dolzarbligi hamda barchamizni oldimizda keng ko‘lamli ishlarni turganligidan dalolat beradi.

Viloyat prokurorining topshirig‘iga asosan Bulung‘ur tuman davlat idoralarida korrupsiyaning oldini olish va unga qarshi kurashish borasida 2025-yilda amalga oshiriladigan chora-tadbirlar bo‘yicha yo‘l xaritasi ishlab chiqilib, ijroga qaratildi.

Shuningdek tumandagi 57 ta tashkilotlar bilan korrupsiyaning oldini olish va unga qarshi kurashish borasida 2025-yilda amalga oshiriladigan chora-tadbirlar bo‘yicha yo‘l xaritasi ishlab chiqilib, ijroga qaratildi.

Tuman prokuraturasi xodimlari tomonidan taqsimotga asosan tumandagi 2, 4, 5, 6, 7, 29, 59, 60-umumiy o‘rta ta’lim maktablarida “Korrupsiyaga qarshi murosasiz muhitni, huquqiy ong va madaniyatni bolalikdan shakllantirish chora-tadbirlari to‘g‘risida” Qo‘shma qarori ijrosini ta’minlash maqsadida “Halollik va to‘g‘rilik inson oliy fazilatlari” mavzusida joriy yilning sentyabr va oktyabr oylarining har dushanba kunlari o‘quv mashg‘ulotlar o‘tkazildi.

Bundan tashqari, DXX tuman bo‘limi bilan hamkorlikda tuman hokimligida, tibbiyot birlashmasi, tuman Maktabgacha va maktab ta’lim bo‘limlarida korrupsiyaga qarshi kurashish borasida profilaktik tadbirlar o‘tkazildi.

Korrupsiyaga qarshi kurashishda qat’iyatlilik bilan qonun ustovorligini ta’minlash ham muhim hisoblanadi, profilaktik chora va ogoxlantirishlarga qaramay korrupsion jinoyatlarga “qo‘l urgan” shaxslarga nisbatan keskin choralar ko‘rilmoqda.

Viloyat prokuraturasi tomonidan korrupsiyaga qarshi kurashish borasida tayyorlangan 3 ta banerlar tuman markazi va M-39-Xalqaro avtomobil yo‘lining Bulung‘ur hududidan o‘tuvchi yo‘lida o‘rnatildi.

Shuningdek, korrupsiyaga qarshi kurashish borasida tayyorlangan 500 ta plakat va 2 ming 500 ta tashrif qog‘ozi “vizitka”lar tumandagi qaydnoma orqali tarqatildi.

Bundan tashqari, tumandagi davlat organlarida korrupsiyaning oldini olish va unga qarshi kurashish borasida 2025-yilda amalga oshiriladigan chora-tadbirlar yo‘l xaritasi”da belgilangan topshiriqlar ijrosini ta’minlash maqsadida tuman prokuraturasida korrupsiyaviy omillarni tahlil qilib borish bo‘yicha doimiy ishlovchi shtab tashkil etilib, tuman prokuraturasi mahkamasi xodimlari tumandagi barcha davlat boshqaruv organlari, tashkilot va muassasalarga biriktirilib, korrupsiyaviy omillarni bartaraf etish choralari ko‘rib boriladi.

Yig‘ilishda korrupsiyaga qarshi kurashishda qonunchilikni targ‘ib qilish, jamiyatda huquqiy madaniyatni yuksaltirish va soliq inspeksiyasi faoliyatining ochiqligini ta’minlash, eng avvalo yurtimizda korrupsiyaga qarshi murosasiz kurashish asosiy vazifalardan ekanligi haqida muhokama qilinib, bu yo‘nalishda har bir rahbar va mas’ul shaxslarning shaxsiy javobgarligiga alohida urg‘u berildi.

Shuningdek, tadbir davomida tuman prokurori tuman soliq inspeksiyasi xodimlarining xizmat faoliyati bilan yaqindan tanishib, ularga tegishli ko‘rsatmalar berdi.

Bundan tashqari, tuman prokurori o‘rinbosari Z.Xamdamov tuman IIB xodimlari tomonidan korrupsiyani oldini olish borasida bir qator ishlar amalga oshirildi.

Xususan, O‘zbekiston Respublikasi Prezidenti xuzurida o‘tkazilgan “Korrupsiyaga qarshi kurashish milliy kengashida” belgilangan vazifalar Bulung‘ur tuman IIBning barcha shaxsiy tarkibiga yetkazilib "Korrupsiyaga qarshi kurashish bo‘yicha xamda xizmat intizomi va qonunchilikka rioya qilish borasida Bulung‘ur tuman IIB rahbariyati tuman IIB shaxsiy tarkibi xodimlar o‘rtasida ta’magirlik holatlariga yo‘l qo‘ymaslik korrupsion omillarni kelib kelishiga sabab bo‘layotgan sharoitlarni aniqlash va ularni tahlil qilinganda xodimlar tomonidan, xizmat faoliyati bilan boqliq bo‘lmagan ishlarga aralashish oqibatida xizmat intizomi buzilishi xolatlari kuzatilayotganligi shu sababli kelgusida xodimlar tomonidan qonunchilikka rioya qilgan holda oʻrnatilgan tartibda xizmat olib borishlari borasida korrupsiya holatlariga aralashmaslik, xizmatdan tashqari vaqtlarda jamiyatda odob-ahloq meyorlariga amal qilishliklari to‘g‘risida aytib o‘tildi, yig‘ilish yakunida bir qancha xodimlar ogohlantirildi.

Shuningdek, Bulung‘ur tumani ichki ishlar bo‘limi rahbariyati bilan “Korrupsiyaga qarshimiz” shiori to‘g‘risida yig‘ilish bo‘lib o‘tildi. Yig‘ilishda, jamiyatda o‘ta dolzarb masala sanalgan korrupsiyaga nisbatan murosasiz munosabatni qaror toptirish, unga qarshi kurashish har bir xodimning burchidir, ichki ishlar organlari xodimiga pora taklif qilish va boshqa noqonuniy maqsadlarni ko‘zlagan shaxslarga nisbatan qonuniy choralar ko‘rish borasidagi ishlar ko‘lamini oshirish, xizmat vazifasini bajarish jarayonida pora taqdim etganlar bo‘yicha o‘rnatilgan tartibda axborot berish mexanizmini jadallashtirish hamda faol ishtirok etgan xodimlarni moddiy rag‘batlantirish, xodimlar tomonidan sodir etilgan korrupsiya holat yuzasidan tanqidiy fikrlarini bildirildi.

IIVning 2021-yildagi 400-sonli buyrug‘i talablari asosida xizmat intizomi va qonunchilikka rioya qilish borasida O‘zbekiston Respublikasi IIV ShXBB Samarqand viloyati bo‘yicha boshqarmasi xodimlari tomonidan Bulung‘ur tuman IIBda “Xavf guruhi”ga ro‘yxatga olingan xodimlar bilan chuqurlashtirilgan tarbiyaviy-profilaktik, suhbatlar o‘tkazildi va kelgusida qonunchlikka, xizmat intizomiga rioya etishliklari va xizmatdan tashqari vaqtlarda jamiyatda odob-ahloq me’yorlariga amal qilishliklari to‘g‘risida rasmiy ogohlantirildi.

"Korrupsiyaga qarshi kurashish ichki ishlar organlarida korrupsiyaga qarshi va uni oldini olish borasida amalga oshirilishini samarali tashkil etish maqsadida Bulung‘ur tumani IIBning binoga kirish qismidan boshlab barcha soxa xizmat xonalari va fuqarolar kutish joylari, kirish zallarida “Korrupsiyaga qarshimiz” shiori ostida Bulung‘ur tuman IIB ichki hamda tashqi binolarida xodimlarning xizmat xonalarida bukletlar yopishtirilib targ‘ibotlar olib borilmoqda.

Davlat rahbarining 2025-yil 5-martdagi korrupsiyaga qarshi kurash bo‘yicha milliy Kengash yig‘ilishida belgilangan topshiriqlar ijrosini ta’minlash maqsadida, viloyat prokuraturasi tomonidan tasdiqlangan tuman va shahar darajasidagi davlat idoralarida korrupsiya xavflarini kamaytirish maqsadida raqamlashtirish mexanizmlarini joriy etish bo‘yicha takliflarning 1-bandida “Bulung‘urtumangaz” gaz ta’minoti bo‘lim xodimlari tomonidan tabiiy gazni aholiga yetkazib berishda korrupsiyaviy holatlarni bartarafish qilish maqsadida raqamlashtirishni joriy etish belgilanib, nazorat tadbirlari davomida mazkur soxada ko‘plab korrupsion muammolar mavjudligi, xususan, tabiiy gaz tarmog‘iga noqonuniy ulanishlarni aniqlash, ularni rasmiylashtirish hamda yetkazilgan zararlarni hisoblash bilan bog‘liq jarayonlarda korrupsion jinoyatlar sodir qilinmoqda.

 Xususan, Bulung‘urtumangaz’’ GTB xodimlari tomonidan noqonuniy ulanish holatlari aniqlanganda, noqonuniy holatlarni biron bir manfaat evaziga rasmiylashtirmayotganligi, ayrim hollarda iste’molchilar tomonidan xodimlarga qarshilik va tahdidlar uchrayotganligi, noqonuniy holatlarni rasmiylashtirishda biror-bir manfaatdorlik evaziga bor holatni dalolatnomada to‘liq ko‘rsatmasdan yashirib kelinayotganligi yoki qasddan noto‘g‘ri rasmiylashtirish holatlari mavjud emasligi, ‘‘Bulung‘urtumangaz’’ GTB xodimlarining mehnat va xizmat intizomiga rioya qilish qoniqarli emasligi aniqlandi.

“Xududgaz taminoti” AJ tomonidan 45 mln. so‘m mablag‘ ajratilib, ‘‘Bulungurtumangaz’’ gaz ta’minoti bulimining 5 nafar xodimlariga quvvati 24 soatga yetadigan kuzatuv kamera (bodikamera) va planshetlar berilib, planshetlarga “GPS” uskunalari o‘rnatildi hamda ushbu jarayonlarni onlayn kuzatib borish uchun server jihozlari bilan ta’minlanib, soha raqamlashtirildi, mutaxassislarni jalb qilgan holda elektr ta’minoti korxonalari inspektorlari ishtirokida seminar - treninglar tashkil etilib, ular uskunalardan foydalanish bo‘yicha o‘qitildi, jarayon televidenie va boshqa ommaviy axborot vositalari orqali keng jamoatchilikka yoritildi.

Mazkur muammolarni bartaraf etish natijasida, qonunbuzilish holatlarini joyida elektron rasmiylashtirish, inspektorlar vaqtini tejash, qog‘ozbozlikka chek qo‘yish va eng asosiysi korrupsiyaviy xavf - xatarlarning oldini olishga xizmat qilmoqda, xodimlarning masofaviy onlayn kuzatish imkoniyati yaratilganligi hamda ularni planshetlarga o‘rnatilgan GPS uskunalari orqali o‘ziga biriktirilgan mahalla hududida ekanligi va berilgan topshiriqlar ijrosi bilan shug‘ullanayotganligini nazorat qilib borish osonlashdi, shuningdek ularning xizmat intizomi hamda iste’molchilar bilan muloqotda o‘zaro muomala madaniyati yaxshilandi, xodimlarda ortiqcha harakat va keraksiz ishlar kamaytirilib ish samaradorligi oshdi, debitor qarzdorlik va yetkazib berilgan elektr energiyasi uchun pul mablag‘lari undirish yaxshilandi (har bir xodimning kunlik amalga oshirgan ishlari nechta ob’ektlarni ko‘rikdan o‘tkazganligi, nechta holatda dalolatnoma rasmiylashtirganligi, elektr iste’moli uchun qancha mablag‘ undirganligi kabi ishlarning hisoboti elektron shakllantirilmoqda, bodikamera orqali jarayonlar tasvirga olinayotganligi sababli asossiz shikoyatlar soni keskin kamaydi, har bir holatga oid dalillar (video 3 oy davomida saqlanadi) avtomatik tarzda tizimga yuklanmoqda, bu esa tergovga qadar tekshirish, dastlabki tergov va sud protsessida raqamli dalillar sifatida muhim ahamiyat kasb etmoqda.

Tuman prokuraturasi tomonidan qonun ustuvorligini ta’minlash, qonuniylikni mustahkamlash, fuqarolar va davlatning qonun bilan qo‘riqlanadigan manfaatlarini himoya qilish, jinoyatchilik hamda huquqbuzarliklarning oldini olish, jinoyatlarning ob’ektiv va sub’ektiv sabablarni o‘rganish, profilaktika qilish borasida va bugungi kunda olib borilayotgan islohotlarning samarali tatbiq etilishi hamda qabul qilinayotgan qonun hujjatlari va O‘zbekiston Respublikasi Prezidentining topshiriqlari so‘zsiz ijro etilishini ta’minlash bo‘yicha tegishli ishlar olib borilmoqda.

Tuman prokurori vazifasini bajaruvchi, adliya kichik maslahatchisi
F.Egamqulov