⚡️ Kambag‘allikni qisqartirish va aholi bandligini ta’minlash bo‘yicha vazifalar belgilab olindi.
2026-01-24 12:25:00 / Yangiliklar
⚡️ Kambag‘allikni qisqartirish va aholi bandligini ta’minlash bo‘yicha vazifalar belgilab olindi.
🖥 Prezident Shavkat Mirziyoyev raisligida kambag‘allikni qisqartirish va aholi bandligini ta’minlash bo‘yicha 2026-yilda amalga oshirilishi lozim bo‘lgan ustuvor vazifalarga bag‘ishlangan videoselektor yig‘ilishidagi mavzular yuzasidan Bulungʻur tumandagi holat muhokama qilindi.
Avvalo, tumandagi 2025-yil yakunlari tahlil qilinib, so'ngra 2026-yilda aholini doimiy ish bilan ta’minlash, kambag‘allikni qisqartirish, kambag‘allikdan xoli mahallalar sonini ko‘paytirish bo‘yicha aniq maqsadlar belgilandi. Xususan, “og‘ir” mahallalarda infratuzilmani yaxshilash, kichik quyosh elektr stansiyalarini qurish, tomorqa va ijara yerlaridan samarali foydalanish, oilaviy tadbirkorlikni kengaytirish orqali aholi daromadini oshirish choralari ko‘zda tutilmoqda.
Shuningdek, hokim yordamchilari va “mahalla yettiligi” faoliyatini loyihaviy yondashuv asosida tashkil etish, mas’uliyat va shaxsiy javobgarlikni kuchaytirish zarurligi qayd etildi. Eng yaxshi natija ko‘rsatgan mahallalar qo‘shimcha mablag‘ bilan rag‘batlantirilishi belgilandi.
Yig‘ilish yakunida topshiriqlarni sifatli va o'z vaqtida bajarish ta’kidlandi.