Qoraqalpog'iston Respublikasi Bo'zatov tumani hokimligi

Bo‘zatov tumanida "Inson qadri uchun" tamoyili asosida faol ayollar va nuroniy onaxonlar bilan uchrashuv o‘tkazildi.

O‘tkazilgan uchrashuvda Bo‘zatov tumani IIB boshlig‘i polkovnik U.Kurbanbaeva, tuman hokimining o‘rinbosari, oila va xotin-qizlar bo‘limi boshlig‘i A.Xojageldieva, shuningdek, deputatlar, "Bo‘zatov" ShFY hududida yashovchi faol ayollar va nuroniy onalar ishtirok etdi.

Uchrashuvda xotin-qizlar o‘rtasida huquqbuzarlik va jinoyatchilikning oldini olish, turmushdan qiynalgan ayollarni zo‘ravonlik va tazyiqdan himoya qilish, erta nikohning oldini olish, oilaviy qadriyatlarni mustahkamlash, xotin-qizlarni har tomonlama qo‘llab-quvvatlash masalalari haqida so‘z yuritildi.

Shuningdek, oila muqaddas dargoh ekanligi, oilalarda ajrimlarning oldini olish, farzand va ota-ona o‘rtasidagi munosabatlarni mustahkamlash borasida mahalladagi ibratli ayollarning olib borayotgan ishlariga alohida to‘xtalib o‘tildi.

Kanalǵa aǵza bolıw:https://t.me/bozataw_uz