Bo‘zatov tumanida "Dolzarb 90 kunlik" tadbiri doirasida qizlar va o‘quvchi yoshlar o‘rtasida "Voleybol" hamda "Mental arifmetika" musobaqalari o‘tkazildi.
2025-06-21 00:40:00 / Yangiliklar
Bo‘zatov tumanida "Dolzarb 90 kunlik" tadbiri doirasida qizlar va o‘quvchi yoshlar o‘rtasida "Voleybol" hamda "Mental arifmetika" musobaqalari o‘tkazildi.
"Dolzarb 90 kunlik" tadbiri doirasida Bo‘zatov tumani markazida joylashgan 1-sonli umumiy o‘rta ta’lim maktabi sport zalida qizlar o‘rtasida sportning "Voleybol" turi bo‘yicha musobaqa o‘tkazildi.
Musobaqaning ochilish marosimida O‘zbekiston Respublikasi IIV JXD Huquqbuzarliklar profilaktikasi xizmati boshlig‘ining o‘rinbosari polkovnik U.Abdullaeva, Qoraqalpog‘iston Respublikasi IIV JXX Huquqbuzarliklar profilaktikasi bo‘limi boshlig‘ining o‘rinbosari podpolkovnik H.Reymkulova, Bo‘zatov tumani IIB boshlig‘i polkovnik U.Kurbanbaeva, Bo‘zatov tumani hokimining o‘rinbosari A.Xojageldievalar ishtirok etib, o‘quvchi yoshlarga omad tiladi.
Sport musobaqasida tuman hududidagi mahallalardan kelgan jamoalar ishtirok etib birinchilik uchun o‘zaro bellashdi. Musobaqa yakunida g‘olib jamoalar aniqlanib, tashkilotchilar tomonidan tayyorlangan diplom va medallar bilan taqdirlandi.
Shundan so‘ng, Bo‘zatov tumani Yoshlar ishlari bo‘limi va Maktabgacha va maktab ta’limi bo‘limi bilan hamkorligida maktab o‘quvchilari o‘rtasida "Mental arifmetika" musobaqasi o‘tkazildi. Tanlov yakunida g‘olib bo‘lgan o‘quvchilar diplom va qimmatbaho sovg‘alar bilan taqdirlandi.
Kanalǵa aǵza bolıw:https://t.me/bozataw_uz