Bo‘zatov tumanida korrupsiya holatlarining oldini olish masalalariga bag‘ishlangan uchrashuv o‘tkazildi.
2026-01-30 09:30:00 / Yangiliklar
Bo‘zatov tumanida korrupsiya holatlarining oldini olish masalalariga bag‘ishlangan uchrashuv o‘tkazildi.
Bugun Bo‘zatov tumanida Qoraqalpog‘iston Respublikasi Vazirlar Kengashining Korrupsiyaga qarshi ichki nazorat bo‘limi boshlig‘i B.Matmuratov rahbarligida korrupsion holatlarning oldini olish masalalariga bag‘ishlangan uchrashuv bo‘lib o‘tdi.
O‘tkazilgan uchrashuvda Bo‘zatov tumani hokimi B.Ubbiniyazov, tuman prokurori J.Ashirbaev, tuman Ichki ishlar bo‘limi boshlig‘i U.Kurbanbaeva, tuman hokimining o‘rinbosarlari, tegishli muassasa va tashkilotlar rahbarlari, mahalla faollari ishtirok etdi.
Uchrashuv davomida korrupsiyaga qarshi kurashish yo‘nalishida tizimli ishlarni kuchaytirish, davlat xizmatchilari o‘rtasida halollik va vijdonlilik tamoyillarini mustahkamlash, fuqarolar o‘rtasida huquqiy savodxonlikni oshirish, shuningdek, korrupsion holatlarning oldini olish haqida so‘z yuritildi.
Shuningdek, korrupsiyaning ijtimoiy-iqtisodiy rivojlanishga salbiy ta’siri, har bir rahbarning shaxsiy mas’uliyatini oshirish zarurligini alohida ta’kidladi.
Uchrashuv yakunida korrupsiyaning oldini olish bo‘yicha amaliy takliflar bildirildi va qonunchilikdagi so‘nggi yangiliklar haqida ma’lumotlar berildi.
Kanalǵa aǵza bolıw:https://t.me/bozataw_uz