Yangi yil bayrami arafasida Bo‘zatovlik yana bir yosh uy-joy bilan ta’minlandi.
2025-12-25 17:40:00 / Yangiliklar
Yangi yil bayrami arafasida Bo‘zatovlik yana bir yosh uy-joy bilan ta’minlandi.
O‘zbekiston Respublikasi Prezidentining 2021 yil 9 avgustdagi PQ-5216-sonli qarori ijrosini ta’minlash maqsadida, uy-joyga muhtojlar qatorida ro‘yxatda turgan Auyezbaeva Malika Gayrat qiziga "Bo‘zatov" ShFY hududidan barcha qulayliklarga ega bo‘lgan 2 xonali turar joy topshirildi.
Tadbirda tuman hokimi B.Ubbiniyazov ishtirok etib, ota-ona qaramog‘idan mahrum bo‘lgan yoshlarga yaratilayotgan imkoniyatlar Prezidentimizning doimiy e’tiborida ekanligini, bunday yoshlarni har tomonlama qo‘llab-quvvatlash, ularga erkin hayot uchun zarur sharoitlar yaratish davlat siyosatining ustuvor yo‘nalishlaridan biri ekanligini alohida ta’kidladi.
Shundan so‘ng, uy egasi Prezidentimizning yoshlarga yaratayotgan imkoniyatlaridan mamnun bo‘lib, o‘z minnatdorchiligini bildirdi.
Bunday ezgu tashabbuslar mamlakatimizda har bir inson taqdiri, ayniqsa, yoshlar va ota-ona qaramog‘idan mahrum bo‘lgan bolalar kelajagi davlat uchun muhim ekanini yana bir bor tasdiqlaydi.
Kanalǵa aǵza bolıw:https://t.me/bozataw_uz