Jamoat xavfsizligini ta’minlash va huquqbuzarliklarning oldini olish masalalari muhokama qilindi
2026-09-16 17:40:00 / Yangiliklar
O‘zbekiston Respublikasi Prezidentining 2021-yil 2-apreldagi “Ichki ishlar organlarining jamoat xavfsizligini ta’minlash va jinoyatchilikka qarshi kurashish sohasidagi faoliyatini yanada takomillashtirish bo‘yicha qo‘shimcha tashkiliy chora-tadbirlar to‘g‘risida”gi PQ-5050-son qarori hamda Toshkent viloyati hokimi tomonidan tasdiqlangan grafik asosida tuman hokimi J.Axmedov, tuman prokurori S.Xusayinov, IIV Qorovul qo‘shinlari qo‘mondonligining mas’ul xodimi Sh.Ruzmatov, tuman IIB boshlig‘i A.Boymirzayev boshchiligida mahallalarda xizmat olib borayotgan profilaktika inspektorlari bilan uchrashuv o‘tkazildi.
Uchrashuv avvalida tuman IIB Huquqbuzarliklar profilaktikasi bo‘limi boshlig‘i A.Ilhomov tomonidan tumandagi 55 ta mahallada xizmat olib borayotgan profilaktika inspektorlarining joriy yil boshidan buyon amalga oshirgan ishlari, erishilgan natijalar hamda yo‘l qo‘yilgan kamchiliklar yuzasidan hisoboti tinglandi.
Shundan so‘ng hududlardagi kriminogen vaziyat, jinoyat va huquqbuzarliklarning oldini olish borasida amalga oshirilayotgan profilaktik chora-tadbirlar, aholi bilan ishlash samaradorligi hamda mavjud muammolar tanqidiy-tahliliy ruhda muhokama qilindi.
Profilaktika inspektorlariga har bir mahallaning o‘ziga xos xususiyatlaridan kelib chiqib ishlarni tashkil etish, jinoyat sodir etishga moyil bo‘lgan shaxslar, notinch oilalar hamda profilaktik hisobda turgan fuqarolar bilan manzilli ishlash, muammoli hududlarda profilaktik tadbirlarni kuchaytirish bo‘yicha tegishli ko‘rsatmalar berildi.
Uchrashuv yakunida aniqlangan muammolarni bartaraf etish, mahallalarda huquqbuzarliklarning barvaqt oldini olish, profilaktik ishlarni kuchaytirish hamda jamoat xavfsizligini yanada mustahkamlash yuzasidan aniq vazifalar belgilab olindi.