Bo‘stonliq tumani hokimligi va Turkiston viloyatining Tolebi hamda Tulkibas tumanlari hokimliklari o‘rtasida hamkorlik memorandumi imzolandi
2026-06-15 16:55:00 / Yangiliklar
Bo‘stonliq tumani va Tolebi hamda Tulkibas tumanlari tadbirkorlari ishtirokida ikki hudud o‘rtasidagi hamkorlikni yanada kengaytirishga qaratilgan memorandum imzolandi.
Memorandum doirasida investitsiya loyihalarini amalga oshirish, sanoat kooperatsiyasini mustahkamlash, innovatsion ishlanmalarni qo‘llab-quvvatlash, fan va ta’lim sohalarida tajriba almashish, shuningdek, madaniy aloqalarni kengaytirish bo‘yicha hamkorlikni faollashtirishga kelishib olindi.
Forum doirasida tashkil etilgan B2B uchrashuvlar davomida ikki hudud tadbirkorlari o‘rtasida to‘g‘ridan-to‘g‘ri muzokaralar o‘tkazilib, yangi investitsiyaviy loyihalar, savdo aloqalarini kengaytirish hamda sanoat kooperatsiyasini rivojlantirish masalalari muhokama qilindi.
Tolebi va Tulkibas tumanlaridan tashrif buyurgan mehmonlar Bo‘stonliq tumanida amalga oshirilayotgan yirik turizm obyektlari bilan tanishtirildi. Uchrashuvlar yakunida qator istiqbolli kelishuvlarga erishilib, kelgusidagi hamkorlikning amaliy yo‘nalishlari belgilab olindi.