Bo‘stonliqda yangi zamonaviy “GEYSER” sog‘lomlashtirish maskani foydalanishga topshirildi
2026-05-23 20:50:00 / Yangiliklar
Bo‘stonliq tumanida turizm sohasida amalga oshirilayotgan bunyodkorlik ishlari natijasida zamonaviy dam olish maskanlari soni tobora ortib bormoqda. Bu esa nafaqat ichki turizm rivojiga xizmat qilmoqda, balki xorijlik sayyohlarning ham hududga bo‘lgan qiziqishini oshirmoqda.
Bugungi kunda zamon talablariga to‘liq javob beradigan turizm obyektlarida mehmonlarga yuqori sifatli xizmat ko‘rsatish bilan birga, salomatlikni tiklash uchun eng zamonaviy va sifatli tibbiy xizmatlar ham yo‘lga qo‘yilgan.
Xususan, bugun Bo‘stonliq tumanining “Kichiksoy” MFY hududida yana bir zamonaviy dam olish maskani — “GEYSER” sog‘lomlashtirish majmuasi foydalanishga topshirildi.
Mazkur maskanda mahalliy va xorijiy sayyohlarning mazmunli hordiq chiqarishi, salomatligini mustahkamlashi hamda qulay va sifatli dam olishi uchun barcha zarur sharoitlar yaratilgan.