Ajrimlarning oldini olish maqsadida oilalar bilan profilaktik suhbatlar o‘tkazildi
2026-05-01 19:10:00 / Yangiliklar
Bo‘stonliq tumani hokimi o‘rinbosari, oila va xotin-qizlar bo‘limi boshlig‘i L.Shodiyeva hamda fuqarolik ishlari bo‘yicha Chirchiq tumanlararo sudi raisi A.Turdibekov boshchiligida “Sudlar bilan hamkorlik dasturi” doirasida ajrim yoqasidagi hamda nizoli vaziyatdagi oilalar bilan navbatdagi uchrashuv tashkil etildi.
Uchrashuvda 9 ta oila ishtirok etdi. Tadbir davomida mutasaddi tashkilotlar vakillari tomonidan oilalarning muammolari tinglanib, ularga oilaviy munosabatlarni mustahkamlash, o‘zaro hurmat va samarali muloqotni yo‘lga qo‘yish, kelishmovchiliklarni tinch va huquqiy yo‘l bilan hal etish yuzasidan tavsiyalar berildi.
Ta’kidlanganidek, bunday uchrashuvlar oilalarda sog‘lom muhitni saqlash, ajrimlarning oldini olish hamda nizoli vaziyatlarni huquqiy va konstruktiv asosda bartaraf etishda muhim ahamiyat kasb etadi.