Yuksak natijalarga erishayotgan sportchilar bilan samimiy uchrashuv o‘tkazildi
2026-04-23 20:55:00 / Yangiliklar
Bugun tuman hokimi J.Axmedov boshchiligida yurtimiz sharafini munosib himoya qilib, yuqori natijalarga erishib kelayotgan sportchilar bilan samimiy va mazmunli uchrashuv tashkil etildi.
Uchrashuv davomida sportchilarning so‘nggi yillarda qo‘lga kiritgan yutuqlari alohida e’tirof etilib, ularning sport sohasidagi fidokorona mehnati, qat’iyati, matonati hamda yuksak maqsad sari intilishlari yuksak baholandi. Ta’kidlanganidek, sportchilarning har bir muvaffaqiyati nafaqat tumanimiz, balki viloyat va respublika miqyosida ham faxr va g‘urur uyg‘otmoqda.
Shuningdek, uchrashuv jarayonida yosh sportchilar bilan ochiq va samimiy muloqot o‘tkazildi. Unda ularning kelgusidagi rejalari, sportdagi asosiy maqsadlari, erishmoqchi bo‘lgan natijalari hamda mavjud shart-sharoitlar yuzasidan fikr almashildi. Sport infratuzilmasini yanada rivojlantirish, yoshlarni qo‘llab-quvvatlash va ularning salohiyatini ro‘yobga chiqarish masalalariga alohida e’tibor qaratildi.
Tadbir yakunida sportchilarga kelgusidagi nufuzli musobaqalarda ham yuqori natijalarga erishish, yurtimiz bayrog‘ini xalqaro maydonlarda baland ko‘tarish yo‘lida kuch-g‘ayrat, bardavomlik va ulkan zafarlar tilandi.