Bo‘ka tumanida qishloq xo‘jaligi va chorvachilik sohalarida hamkorlik rivojlantiriladi
2026-10-23 15:10:00 / Yangiliklar
Bo‘ka tumani hokimligi va Rossiyaning “EKOROST” kompaniyasi o‘rtasida qishloq xo‘jaligi hamda chorvachilik sohalarida hamkorlikni rivojlantirishga qaratilgan memorandum imzolandi.
Memorandumni imzolash jarayonida tuman hokimi M.Abdazimov hamda “EKOROST” kompaniyasi rahbari D. Kotov ishtirok etdi.
Hujjat tomonlar o‘rtasida uzoq muddatli hamkorlikni yo‘lga qo‘yish, innovatsion loyihalarni amalga oshirish, zamonaviy texnologiyalarni joriy etish hamda yangi investitsiya loyihalarini rivojlantirishni nazarda tutadi.
Shuningdek, hamkorlik doirasida yangi ish o‘rinlarini yaratish, tajriba almashish, istiqbolli loyihalarni ishlab chiqish va ularni amalga oshirish imkoniyatlarini kengaytirishga e’tibor qaratiladi.
Mazkur memorandum Bo‘ka tumanida qishloq xo‘jaligi va chorvachilikni rivojlantirish, investitsiyalarni jalb qilish hamda yangi iqtisodiy imkoniyatlarni yaratishga xizmat qiladi.