Bo‘ka tumanining “O’zbek” mahallasida yoshlar bilan ochiq va samimiy uchrashuv tashkil etildi.
2026-08-27 18:30:00 / Yangiliklar
Uchrashuvda yoshlar o‘zlarini qiziqtirayotgan masalalar, yangi g‘oya va loyihalari, ish va tadbirkorlik bo‘yicha rejalari bilan o‘rtoqlashdi. Har bir murojaatlar tinglanib, imkon qadar amaliy yechimlar yuzasidan fikr almashildi.
Ayniqsa, yoshlarni ish bilan ta’minlash, kasb-hunarga yo‘naltirish, tadbirkorlik tashabbuslarini qo‘llab-quvvatlash va ularning bo‘sh vaqtini mazmunli tashkil etish masalalariga alohida e’tibor qaratildi.
Muhimi, uchrashuv faqat suhbat bilan cheklanib qolmadi. Yoshlar tomonidan bildirilgan taklif va murojaatlarni amalga oshirish bo‘yicha mas’ullarga aniq vazifalar yuklatildi.
Yoshlar bilan bunday ochiq muloqotlar ularning tashabbuslarini qo‘llab-quvvatlash va muammolarini joyida hal etishda muhim qadam bo‘lib xizmat qiladi.