Toshkent viloyati Bo'ka tumani hokimligi

Qabulda tuman hokimining o‘rinbosarlari, tegishli idora va tashkilotlar rahbarlari, mahalla faollari hamda fuqarolar ishtirok etdi. Ochiq muloqot davomida hududni ijtimoiy-iqtisodiy rivojlantirish, mavjud muammolarni bartaraf etish va aholi uchun qulay sharoitlar yaratishga qaratilgan masalalar muhokama qilindi.

Fuqarolar tomonidan jami 13 ta murojaat bildirildi. Ular asosan ish bilan ta’minlash, ijtimoiy qo‘llab-quvvatlash, kommunal xizmatlar, ichki yo‘llarni ta’mirlash, infratuzilmani yaxshilash hamda obodonlashtirish bilan bog‘liq masalalarni qamrab oldi.

Murojaatlarning yechimi talab etiladigan qismi joyida ko‘rib chiqilib, imkon qadar ijobiy hal etildi. Batafsil o‘rganish zarur bo‘lgan masalalar yuzasidan esa mutasaddi tashkilotlarga tegishli topshiriqlar berildi. Ularning ijrosi nazoratga olinib, mas’ullar va aniq muddatlar belgilandi.

Bo‘ka tumanida fuqarolar bilan bunday ochiq muloqotlar muntazam tashkil etilib, aholini o‘ylantirayotgan masalalarni o‘z vaqtida hal etish bo‘yicha tizimli ishlar davom ettirilmoqda.