Bo‘ka tumanida 9-may — Xotira va qadrlash kuni munosabati bilan ehson dasturxoni tashkil etildi
2026-05-07 11:10:00 / Yangiliklar
Bo‘ka tumanida 9-may — Xotira va qadrlash kuni munosabati bilan nuroniylar, Afg‘on urushi qatnashchilari, faxriy harbiylar hamda nafaqadagi davlat xizmatchilari uchun ehson dasturxoni yozildi.
Tadbirda yurtimiz tinchligi, xalqimiz farovonligi yo‘lida xizmat qilgan insonlarga alohida hurmat va ehtirom ko‘rsatildi. Nuroniylar bilan samimiy suhbatlar tashkil etilib, ularning hayotiy tajribasi, mehnat faoliyati va yosh avlod tarbiyasidagi o‘rni alohida ta’kidlandi.
Shuningdek, tadbir davomida Ikkinchi jahon urushi qatnashchilari va mehnat faxriylarining xotirasi yod etilib, bugungi tinch va osuda hayotning qadriga yetish, Vatanga sadoqat ruhini yoshlar ongiga singdirish muhimligi qayd etildi.
Tadbirda tuman hokimi S.Isakulov va tuman prokurori Sh.Zunnurboyev ishtirok etdi.