Payshanba – Yoshlar kuni: Hokim boshchiligida yoshlar bilan uchrashuv o'tkazildi.
2026-04-16 18:10:00 / Yangiliklar
Uchrashuv ochiq muloqot ruhida o‘tdi. Yoshlar o‘zlarini qiziqtirgan masalalar, muammolar va tashabbuslari bilan bevosita murojaat qilish imkoniga ega bo‘lishdi. Ta’lim, bandlik, tadbirkorlikni rivojlantirish va bo‘sh vaqtni mazmunli tashkil etish masalalari atroflicha muhokama qilindi.
Bildirilgan taklif va murojaatlar asosida mas’ullar tomonidan aniq tushuntirishlar berildi. Ayrim muammolar joyida hal etilib, qolganlari bo‘yicha tegishli choralar belgilandi.
Ushbu uchrashuv yoshlar bilan ochiq va samimiy muloqotni mustahkamlash, ularning muammolariga yechim topish hamda tashabbuslarini qo‘llab-quvvatlashda muhim qadam bo‘ldi.
Uchrashuv yakunida yoshlar uchun “Blue Ocean Strategy” tamoyillari asosida seminar-trening tashkil etildi. Unda raqobatdan chiqib, yangi bozor yaratish, innovatsion yondashuvlar orqali muvaffaqiyatga erishish bo‘yicha amaliy tavsiyalar berildi.