VII chaqiriq Xalq deputatlari Bo‘ka tumani Kengashining navbatdagi 28-sessiyasi o‘tkazildi
2026-02-20 15:30:00 / Yangiliklar
Jumladan, Xalq deputatlari Bo‘ka tumani Kengashiga 19-«Turkiston» saylov okrugi bo‘yicha bo‘shab qolgan deputatlik o‘rniga saylangan Isakulov Sardor Dadajanovichning deputatlik vakolatlarini e’tirof etish to‘g‘risidagi masala ko‘rib chiqildi.
Shuningdek, O‘zbekiston Respublikasi Prezidentining "2026-yilda hududlarni yangicha yondashuvlar asosida rivojlantirish, aholi daromadini oshirish, barqaror ish o‘rinlari yaratish hamda kambag‘allikni qisqartirish chora-tadbirlari to‘g‘risida"gi PQ-49-sonli qarori ijrosini ta’minlash maqsadida tumandagi og‘ir mahallalar ro‘yxatini tasdiqlash masalasi muhokama qilindi.
Bundan tashqari, Bo‘ka tumani mahalliy byudjetining ayrim xarajatlarini maqbullashtirish, mablag‘lardan maqsadli foydalanish va xarajatlarni o‘z vaqtida amalga oshirish, shuningdek 2025-yil 12 oylik ijrosini tasdiqlash hamda 2026-yil 1 yanvar holatiga shakllangan erkin qoldiq mablag‘lari hisobidan rejalashtirilayotgan xarajatlar yuzasidan axborotlar eshitildi.
Sessiya davomida tuman tibbiyot birlashmasi tomonidan 2025-yilda amalga oshirilgan ishlar yuzasidan ham hisobot taqdim etildi.
Kun tartibidagi masalalar yuzasidan mas’ullarning axborotlari tinglandi, deputatlar tomonidan fikr va takliflar bildirildi hamda tegishli qarorlar qabul qilindi.