Bo‘ka tumani Kengashi sessiyasida hududni rivojlantirishning ustuvor yo‘nalishlari belgilab olindi
2026-02-12 17:45:00 / Yangiliklar
Unda 2026-yilda tumanni ijtimoiy-iqtisodiy jihatdan kompleks rivojlantirish, iqtisodiy salohiyatni oshirish hamda aholi farovonligini yuksaltirishga qaratilgan dolzarb masalalar atroflicha muhokama qilindi.
Sessiya kun tartibiga kiritilgan masalalar doirasida:
🔸 O‘zbekiston Respublikasi Prezidentining 2025-yil 8-oktabrdagi “Alohida tuman (shahar) va mahallalarni yashashi va tadbirkorlik faoliyati bilan shug‘ullanishi uchun namunali hududga aylantirish chora-tadbirlari to‘g‘risida”gi PQ-298-sonli qarorining tumandagi ijrosi yuzasidan axborot tinglandi;
🔸 Vazirlar Mahkamasining 2024-yil 11-oktabrdagi 665-sonli qaroriga muvofiq Bo‘ka tumani Obodonlashtirish boshqarmasi tomonidan 2025-yilda amalga oshirilgan ishlar sarhisob qilindi;
🔸 Mazkur qarorga asosan 2026-yilda ichki yo‘llarni saqlash va joriy ta’mirlash ishlari bo‘yicha dastlabki manzilli ro‘yxat tasdiqlandi.
Sessiyada tuman hokimi Sardor Isakulov ishtirok etib, kun tartibidagi masalalar yuzasidan o‘z fikr va takliflarini bildirdi, amalga oshirilayotgan ishlar samaradorligini oshirish hamda belgilangan vazifalarni o‘z vaqtida bajarish bo‘yicha tegishli tavsiyalar berdi.
Yig‘ilish yakunida ko‘rib chiqilgan barcha masalalar yuzasidan tegishli qarorlar qabul qilinib, ularning ijrosini ta’minlash uchun mas’ullarga aniq vazifalarlar belgilandi.