Fuqarolar murojaatlari e’tiborda: Bo‘kada “Xalq nazorati” tizimi keng joriy etilmoqda
2025-12-24 13:05:00 / Yangiliklar
O'zbekiston Respublikasi Prezidenti Sh.Mirziyoyev raisligida o'tkazilgan videoselektor yig'ilishida berilgan topshiriqlariga asosan Toshkent shahrida amaliyotga joriy etilgan “Xalq nazorati” elektron portalini Toshkent viloyatining tuman va shaharlarida keng tatbiq etish hamda undan foydalanish samaradorligini oshirish maqsadida Bo‘ka tumanida o‘quv-amaliy seminar tashkil etildi.
Mazkur tadbirda Bo‘ka tumani hokimi Sardor Isakulov, Toshkent shahar hokimligi Raqamli rivojlantirish departamenti direktorining birinchi o‘rinbosari Dilshod Xusanjanov, shuningdek, tumandagi korxona va tashkilotlar rahbarlari ishtirok etdi.
Seminar jarayonida “Xalq nazorati” platformasi orqali murojaatlarni qabul qilish va ko‘rib chiqish mexanizmlari, kelib tushayotgan muammolarni belgilangan muddatlarda tezkor va sifatli hal etish, shuningdek, raqamli boshqaruv vositalari orqali aholiga ochiq va samarali xizmat ko‘rsatish masalalari yuzasidan batafsil tushuntirishlar berildi.
Tadbir yakunida mazkur platformani hududlarda faol qo‘llash, murojaatlar bilan ishlash mas’uliyatini kuchaytirish hamda aholining davlat boshqaruvidagi ishtirokini yanada oshirish muhimligi alohida ta’kidlandi.